Námsfrøðingaútbúgvingin tekur 4 ár og er í tveimum stigum.

Fyrri partur er 3 ára útbúgving á bachelorstøði. Dentur verður lagdur á, at tey lesandi fáa gott fakligt grundarlag í námsfrøði, t.d. at

• skilja grundleggjandi tættir í ástøðiligum arbeiðisháttum
• læra virðini, námsfrøðingayrkið byggir á
• nema sær ta námsfrøðiligu og sálarfrøðiligu vitan og teir førleikar, ein námsfrøðingur brúkar í gerandisdegnum

Triðja árið savna tey lesandi seg um eitt ávíst námsfrøðiligt øki, og bachelor uppgáva verður skrivað.

Annar partur - fjórða árið - er eitt diplom ár. Tey lesandi fyrireika seg til yrki sum námsfrøðingar og savna seg um eitt evni, ið er námsfrøðingayrkinum viðkomandi.

Ein týdningarmikil liður í námsfrøðiútbúgvingini eru stutt og long skeið, tá ið tey lesandi fara út á stovnar at royna sína vitan í verki.

Vilt tú vita meira um útbúgvingarbygnaðin, tey ymsu skeiðini og yrkisfyrireikingina, trýst á leinkini á breddanum vinstrumegin. Har eru eisini leinki til umsóknarblað, upptøkutreytir og stuðulsmøguleikar.